Recent Posts

Archive

Tags

No tags yet.

Salcedo mitunol og ayuda ngadto’s bgry flontliners sa Cugman

GIKALIPAY sa mga BHERT frontliners sa barangay Cugman ang ayuda nga gipaambit ni konsehal Enrico Salcedo, chairman sa komite sa environment and natural resources.


Uban sa iyang kapikas nga si barangay Gusa kagawad Emilda Sacledo, ang konsehal mipaambit ug mihatag sa ayuda ngadto sa mga BHERT frontliners agig pasalamat ug pahalipay kanila sa ilang makanunayong pag-alagad sa katawhan sa ilang dapit ning panahon sa pandemya.


Ang nahisgutang kalihukan gisuportahan ni Cugman kapitan Wendelyn Escobia uban sa iyang mga kagawad ug empleyado.


Si Salcedo mibutyag nga dili tiaw ang trabaho sa mga frontliners ilabina sa pagsugod pa lang sa pandemya anaa na sila nagtukaw aron lang maprotektahan ang katawhan batok sa Covid-19 ug siya nanghinaot nga ipadayon sa mga frontliners ang maong kawsa alang sa kaayuhan sa kinabag-ang katawhan. (SP/JRGalano)