Salcedo misuporta sa operasyon sa Oro Fire Dept

HUGOT nga gisuportahan ni Konsehal Eric Salcedo, chairman sa komite sa Environment and Natural Resources, ang operasyon sa Cagayan de Oro Fire Department ubos sa bag-ong pamunoan District Fire Director Roel Gamo Bacasnot.

Kini human mibisita sa konseho sa syudad sa sesyon niadtong Lunes nga gidumala ni Bise Mayor Kikang Uy ang bag-ong natudlo nga fire director.

Si Salcedo miawhag sa director pagduso sa ilang mga request nga gilantawng maghatag og kaarangan sa ilang operasyon.

Matod sa konsehal nga importante nga kon adunay sila’y ihangyo maandam na samtang pa ang 2022 Budget Hearing sa syudad.

Matod ni Bacasnot nga sa kasamtangan ilang gihikay ang mga hangyo ug usa sa ilang gikonsiderar mao ang pagpalit og ladder fire trucks nga dako kaayo og gamit panahon sa ilang pagresponde.