Salcedo misuporta pagpalambo sa negosyo sa transportasyon

GISUPORTAHAN ni Konsehal Eric Salcedo, chairman sa komite sa public utilities, ang pagpalambo sa natad sa negosyo sa transportasyon  nga makahatag og dugang kaarangan sa ekonomiya ug pang-empliyo sa katawhan.

Kini human gipahigayon sa komite ni Salcedo ang pagsusi alang sa kapasigurohan sa katawhang sumasakay ang aplikasyon sa kompanyang Get Go nga mihanyag sa ilang serbisyo.

Sa maong pagsusi, nasuta nga nasumite sa tigdumala sa Get Go ang tanang gikinahanglang rekisitos alang sa maong matang sa operasyon subay sa balaod sa syudad.

Nunot niini giduso sa komite ang maong aplikasyon sa buhatan sa Land Transportation Franchising & Regulatory Board ug sa Roads and Traffic Administration alang sa ilang resolusyon ug rekomendasyon. (MLR/SP)