Salcedo misugyot nga palapdan ang CCPC, BCPC aron masulbad ang human trafficking

DAKO ang pagtuo ni Konsehal Eric Salcedo, chairman sa komite sa public utilities, nga dako ug makatabang aron masulbad ang problema sa child trafficking dinhi sa syudad ang pagpalapad ug hugot nga ipatuman ang programa sa City Council for the Protection of Children (CCPC) ug Barangay Council for Protection of Children (BCPC).

Kini ang obserbasyon ni Konsehal Salcedo agig reaksyon sa isyu nga gipadangat ni Konsehal Desiree Ann Dahino atol sa sesyon niadtong Lunes nga gidumala ni Bise Mayor Bebot Rodriguez.

Sumala ni Salcedo nga nahan-ay na ang balaod alang sa maong katuyoan ug kinahanlan nalang ang pag-monitor ug pagpatuman niini sugod sa kabarangayan diin dinhi nagsumikad ang panghitabo sa mga pagpangabuso sa kabataan.

Niini malaumon si Salcedo nga pinaagi sa Golden Justice Zone nga balaod nga gilangkuban sa buhatan sa Criminal Investigation and Detection Group (CIDG), National Bureau of Investigation (NBI), Prosecutors Office ug uban pang ahensiya sa gobyerno makatabang kini sa kampanya batok sa human trafficking. (MLR/SP)