Salcedo mipasusi sa isyu sa basura sa Barangay Macabalan

GUSTONG hinabion ni Konsehal Eric Salcedo, chairman sa komite sa environment, ang mga kadagkoan sa City Local Environment and Natural Resources Office (CLENRO) kabahin sa isyu sa nagkatag nga basura sa Puntam Barangay Macabalan, ning syudad.

Nasayran nga miabot sa national nga balita ang maong isyu.

Angayan manubag ang mga responsable niini, sumpay sa Konsehal.

Sumala ni Konsehal Salcedo nga ang isyu sa basura responsibilidad kini sa tanan nga magsugod sa tagsa-tagsa ka mga panimalay ug sa kabarangayan, ingon man ang  insaktong paglabay sa gitumbok nga labayanan aron mahimong limpyo ang palibot ug malikay sa sakit ang katawhan.

Dugang ni Salcedo nga nasolbad na ang responsibilidad sa syudad pinaagi sa insaktong pagkolekta sa basura pinaagi sa mga bag-ong dumptrucks apan anaa karon sa mga household ug sa barangay ang nakitang problema.

Niini malaumon si Konsesal Eric Salcedo nga pinaagi sa kooperasyon ug pagtinabangay sa tanan masulbad ug matubag ang problema sa basura sa kabarangayan. (MLR/SP)