Salcedo mipasalig nga iyang sutaon ang sitwasyon sa koleksyon sa basura sa syudad

GIPASALIG ni konsehal Enrico Salcedo, chairman sa komite sa Environment, nga iyang aksyonan ang taho ni Konsehal Imee Moreno mahitungod sa problema sa koleksyon sa basura ug ang wala paghatag importansia sa sulat sa konseho ngadto sa Tencil kabahin sa ilang kapasidad paghimo sa maong tahas.

Sumala ni konsehal Salcedo nga iyang ipatawag ang Department Manager sa CLENRO aron makuha ug masuta tinuod nga sitwasyon sa koleksyon sa basura lakip na kahimtang sa mining dinhi sa syudad.

Si Salcedo mipasabot nga tulo ang mag-silbing adunay responsibilidad aron mamintinar ang kalimpio sa Dakbayan: una, ang local nga kagamhanan nga maoy mokolekta sa residual waste; ang kabarangayan nga may tahas sa pagkolekta sa biodegradable; ug ang importanteng pagpakabana sa katawhan pinaagi sa insaktong paglabay sa ilang mga basura. (MLR/SP)