Salcedo mipahibalo sa temporaryong pagsira sa night market

GIPAHIBALO ni Konsehal Eric Salcedo, chairman sa komite sa public utilities ug tagdumala sa Night Market Management Committee (NMMC), ang temporaryong pagsuspende sa night market diha sa Guillermo Street ning syudad.

Kini ang nasabotan ug naaprobahan sa komite atol sa gipahigayong tigom tungod sa nagka grabeng kagubot sa dapit nga miresulta sa kapiot sa dagan sa trapiko tungod sa pagsulod sa mga dili awtorisadong mamaligyaay nga namaligya sa dili gitugot nga oras.

Sumala ni Konsehal Salcedo nga wala pay gitakdang petsa  alang sa pagbalik sa operasyon sa night market.

Si Salcedo midugang nga ipahigayon usab ang flushing ug halapad nga pagpanglimpyo sa maong dalan.

Malaumon ang konsehal nga nasabtan sa katawhan ang maong lakang sa City Hall tungod kay alang man kini sa kaayuhan ug kasiguradohan sa kinabag-an. (MLR/SP)