Salcedo gitinguha masolusyonan hangyo sa RISYM Jade Transport Corporation

“KINAHANGLAN magsinabtanay  kita sa pagpatuman sa sugyot sa mga kawani sa Roads and Traffic Administration aron mabuhi tang tanan.”

Kini ang pamahayag ni Konsehal Eric Salcedo, chairman sa komite sa public utilities, atol sa tigom sa komite niadtong milabayng  adlaw human gituki ang sulat sa RISM Jade Transport Corporation kalabot sa ilang hangyo pagkuha ug mga pasahero sa mga traditional jeep nga dili nila rota.

Gipasabot sa konsehal nga mintras wala pa ma-implementar sa hingpit sa lokal nga kagamhanan ang Local Public Transport Route Plan LPTRP tungod sa order ni Mayor Rolando Klarex Uy, dili pa mapatuman ang rota busa angayang magsinabtanay, sumpay ni Salcedo.

Nunot niini giduso ni Konsehal Eric Salcedo ang maong mulo sa Roads and Traffic Administration aron didto himoon ang panagsabot sa duha ka sektor sa transportation aron makab-ot ang win-win solution sa maong matang sa operasyon. (MLR/SP)