Salcedo gitahasan ang CEO pagsusi sa reklamo sa Liberty Land Corporation

GITAHASAN ni Konsehal Eric Salcedo, chairman sa komite sa public utilities ang opisina sa City Engineering Office sa paghimo og pakisusi sa dugay nang reklamo sa Libertty Land Corporation sa Upper Palalan, Barangay Lumbia ning syudad.

Kini mahitungod sa giingong pipeline o linya sa tubig sa Cagayan de Oro Water District (COWD) nga nakasulod sa lote sa Liberty Land Corporation nakahatag og babag sa pagpalapad sa ilang proyekto.

Atol sa tigom sa komite di palang dugay, gibutyag ni Ms. Rosabelle Villanueva, CEO/Consultant sa maong kompanya nga wala nagpahibalo sa ilang buhatan ang COWD sa ilang  gihimong pagtrabaho sa linya sa tubig nga naka-apekto sa ilang pagtukod sa dugang housing units nga maoy matang sa ilang negosyo.

Nunot niini, gihatagan ni Konsehal Eric Salcedo og duha ka semana ang mga kawani sa City Engineering Office sa paghimo og makuting pakisusi ug pagsumite sa ilang rekomendasyon aron mapangitaan sa aksyon ug tukmang solusyon ang maong mulo. (MLR/SP)