Salcedo gisiguro mapahibalo mga sidewalk vendors nga apektado sa clearing operation

GISIGURO ni konsehal Eric Salcedo, chairman sa komite sa environment, nga mapahibalo ang apektado nga mga sidewalk vendor sa himoong clearing operation sa Task Group Demolisyon.

Kini ang gihangyo ni Konsehal Salcedo sa task group demolisyon atol sa tigom sa komite human nasayran nga demolison ang mga illegal settlers atbang sa J.R Borja General Hospital sa Barangay Carmen.

Sumala ni Salcedo nga kinahanglan mapasabot sa mga apektadong vendor nga gidili ang pagbutang ug struktora sa mga canal ug sidewalk sa kadalanan kay gawas nga makadugang sa kapiot sa dagan sa trapiko, maglisod usab ang mga kawani sa goberno paghinlo sa mga canal.

Siya midugang nga hatagan usab ug time-line o panahon ayha ipatuman ang demolisyon aron makapangandam ang mga mamaligyaay.

Malaumon si Salcedo nga masabot sa mga vendors kay kaayuhan kini sa dakbayan ug bagang doot sa katawhan. (MLR/SP)