Salcedo gikonsidera ang petisyon sa usbaw sa pletihan sa motorela

GIHULATAN ni konsehal Eric Salcedo, chairman sa komite sa public utilities, ang petisyon sa mga driver sa motorela ayha pa magpagawas og bag-ong taripa sa pletihan nunot sa pag-usbaw sa presyo sa gasolina gumikan sa nasinateng krisis didto sa Middle East.

Kini ang gitin-aw ni konsehal Salcedo agig reaksyon sa hangyo sa motorela driver nga usbaw sa pletihan tungod sa sunod-sunod nga pagsaka sa presyo sa produktong petrolyo.

Sumala ni Salcedo nga tun-an una niini ang existing city ordinance aron masiguro kon kinsa ang angay mo-isyu og bag-ong taripa, ang ehikutibo ba o ang konseho sa dakbayan.

Niini gipasalig sa konsehal nga kon madawat na ang maong hangyo sa mga motorela drivers kabahin sa nasangpit nga petisyon, ila dayon kining  hatagan  sa tukmang aksyon sa komite. (MLR/SP)