Salcedo: Dugang omento sa benepisyo sa brgy tanod, lupon dakong tabang

DAKO ang matabang sa mga barangay tanod ug lupong tagapamayapa ang paghatag og dugang omento sa ilang benepisyo og uban pang programa nga maghatag kaarangan sa ilang pag-serbisyo ngadto sa katawhan.

Kini ang gipaambit nga opinyon ni Konsehal Eric Salcedo, chairman sa komite sa public utilities, atol sa tigom sa komite sa public order and safety nga gidumala ni Konsehal Roger Abaday diin gihingusgan nga maduso ang ordinansa alang sa pagpalapad sa mga programa ug benepisyo sa barangay tanod ug lupong tagapamayapa sa mga kabarangayan sa syudad.

Sumala ni Konsehal Salcedo nga ang pagsiguro nga mahatagan og legal assistance ang barangay tanod panahon sa ilang pag-panerbisyo, libreng konsultasyon sa panglawas ug prioridad sa scholarship program sa goberno lokal sa ilang anak, makapadasig ug makahatag og dugang moral diha sa ilang pag-alagad.

Niini suportado ni Konsehal Eric Salcedo ang maong programa ug malaumong mapatuman kini sa labing dali nga panahon alang sa kapasigurohan sa mga barangay tanod ug lupong tagapamayapa. (MLR/SP)