Sacala nangusog usbawan insentiba sa local athletes

GIPAABOT askyonan sa komite sa sports and youth development sa konseho ubos ni Konsehal Kenneth John Sacala ang sugyot ordinansa  nga mag-amendar sa Ordinance No. 7927-2001 nga gipalabang 18 ka tuig nang nilabay  nga nag-establisar sa giya sa paghatag og cash incentive award ngadto  sa mga local athletes nga makasakmit og medal awards sa mga national o international competitions.

Maoy tuyo sa maong amendatory ordinance nga mausbawan ang kantidad sa mga cash incentive awards.

Gipasabot nga angayan lang patas-an ang cash award aron kini mahiuyon sa kasamtangang kondisyon sa ekonomiya ug aron usab makapadasig sa mga local athletes nga maningkamot sa  ilang tagsa tagsa ka sports event.

Si Konsehal Sacala mao ang nangamahan sa  nasangpit nga sugyot ordinansa. (JRGalano/SP)