Sacala nangusog mapalapdan mga programa sa OSY

HUGOT nga gisuportahan  ni  Konsehal Kenneth John Sacala, SK City Federation president ug chairman sa komite sa sports and youth development sa Konseho, ang laraw  nga palapdan ang Oro Youth Code of 2018, ang pag-institutionalize sa youth development program ug ang pagpalig-on sa Out of School Youth Development Program.

Kahinumduman  nga ang konsehal, uban ni Lord Saver Centina, Officer-in-Charge sa buhatan, ang mibisita sa opisina ni Mayor Klarex Uy dili palang dugay   aron hisgutan ang maong lakang, labi na ang programa  alang sa  mga out of school youth aron sila matabangan nga mapalambo ang ilang mga kinabuhi ug magiyahan  alang sa mahayag nga kaugmaon.

Nagpasalamat  si Konsehal Sacala  sa mainiton   nga suporta   ug inisyatibo sa mayor aron ma-uplift ang mga  batan-ong Kagay-anon. (Text and photo by JRG/SP)