Sacala miduyog sa pag-obserbar sa World Suicide Prevention Month

NANAWAGAN  si City SK Federation President Konsehal  Kenneth John Sacala, chairman sa komite sa youth and sports development, sa mga batan-on ug katawhan sa dakbayan nga palig-onon ang pagsuporta sa usag usa.

Sa iyang mensahe alayon sa pagtamod sa kasaulogan sa World Suicide Prevention Month karong bulan sa Septembre,  gibutyag ni Sacala nga dako og mamahimong kabag-ohan ang yano nga pagpangumusta, bukas nga pakighinabi, ug ang pagpaminaw nga walay paghukom ngadto sa mga tawo nga nag-atubang sa bug-at nga pagsulay sa kinabuhi.

Gipahinumdoman usab sa konsehal kadtong nag-atubang sa bug-at nga mga hagit nga ang pagpangayo og tabang gIkan sa ilang kabanay ug kahigalaan, timaan kini sa kalig-on, ug dili sa ilang kahuyang. (JRG/SP)