Rotary Youth Officials gidayeg, gipasalamatan ni Sacala

HUGOT nga gisuportahan ug gidayeg ni Konsehal Kenneth John Sacala, City SK Federation president, ang 2025 Rotary Youth City Officials.

Sa iyang mensahe atol sa gipahigayong programa sa  pagtak-op sa Rotary Youth Week nga gipahigyaon sa hawanan sa konseho, hugot niyang gidayeg ang mga batan-on nga miapil sa maong kalihokan nga nagpakita sa ilang katakos diha sa pagserbisyo bisan sa hamubo nga panahon.  

Gipasalamatan usab sa konsehal ang Rotary Club sa pagpahinumdum sa kabatan-onan nga ang kanunay sa pagbuhat sa gagmayng butang adunay maayong epekto sa komunidad.

Nanghinaot si Konsehal Sacala nga ang maong kasinatian makahatag kanila sa kadasig sa pagbuhat sa ilang responsibilidad, tungod kay siya nagtuo nga ang kabatan-onan adunay talagsaong gasa nga dili mahadlok sa  paglantaw sa mas maayong mga posibilidad. (JRG/SP)