Rodriguez pabor proseso sa imbentaryo sa socialized housing itugyan sa CHUDD

PABOR si Konsehal Bebot Rodriguez sa opinion ni Konsehal Girlie Balaba sa ordinansa nga gipalabang sa Konseho sa sesyon niadtong Lunes nga gidumala ni Bise Mayor Kikang Uy nga naghan-ay sa basihan pagkansela sa awards nga gihatag ngadto sa mga benefisaryo sa socialized housing projects nga gipanag-iyahan sa kagamhanan.

Kini human si Balaba, sa gipahigayong pagtuki sa ordinansa, misugyot nga dili na kinahanglan salmotan pa sa laing departmento kun dili ang City Housing and Urban Development Department (CHUDD) ang moproseso kay kun butangan pa og sakop nga gikan sa laing departamento o’ ahensya sa gobyerno posibleng madugay ang pag-imbentaryo human gipataas ngadto sa usa ka tuig nga tagal.

Gipasabot ni Rodriguez nga insakto si Balaba tungod kay sa maong gidugayon mahibal-an naman kun kinsa ang mga nakalapas sa ordinansa ug makadesisyon na sa mga angayan nga ilisan.

Dili na kinahanglan nga daghan pa ang malambigit aron dili na malangan pa ang proseso, pamahayag ni Konsehal Bebot Rodriquez.