Rodriguez naglaum masolusyonan problema sa trapiko sa syudad

“USA sa mga nag-unang problema dinhi sa syudad mao ang kapiot nga dagan sa trapiko.”

Mao kini ang pamahayag ni Bise Mayor Bebot Rodriguez atol sa sesyon sa konseho niadtong sa Lunes sa special report ni Konsehal Edgar Cabanlas kabahin sa problema o’ sa pagdumala sa dagan sa trapiko sa syudad.

Gipasabot ni Bise Mayor Rodriguez nga bisan asa mopaingon dinhi sa syudad anaa gyud naghuot ang dagan sa trapiko.

Matod sa bise mayor nga sa dihang nag-adto sila sa Davao City wala sila nakasinati nga nadugay diha sa sentrong bahin sa kadalanan. Huna-huna sa bise mayor nga maayo ang pagkadumala sa ilang traffic system sa dapit.

Niini, iyang gisugyot ug gitahasan ang Komite sa Public Utilities (Roads and Traffic Management) ni Konsehal Romeo Calizo aron makonsiderar ang pagmugna og division sa RTA o’ pribadong ahensya nga magtutok sa pag-instalar, pagmintinar ug pagdumala sa traffic system sa syudad.