Reporma sa VAWC desk ordinance gitan-aw ni Dahino

Gipadayag ni Konsehal Des Dahino, chairperson sa komitiba sa women and family relations, ang iyang plano nga pag-amendar sa VAWC Desk Ordinance sa dakbayan aron mas mapalig-on ang sistema sa pagresponde ug pagtabang sa mga victim-survivors.

Sumala kaniya, usa sa mga nag-unang hagit mao ang kakulang sa continuity sa mga trained personnel sa barangay.

Bisan pa og adunay mga VAWC Desk officers nga nakadawat og specialized training sa pagdumala sa sensitibong mga kaso, kasagaran silang mapulihan matag adunay kausaban sa liderato sa barangay.

Gibutyag sa konsehal nga tun-an sa komitiba ang maong isyu aron makapangita og konkretong solusyon.

Ang maong pahayag gihimo ni Dahino isip reaksyon sa special report ni Konsehal Jonjon Rodriguez, nga naghisgot sa panginahanglan nga mapalambo ug mapalig-on pa ang kasamtangang sistema sa pagresponde sa mga kaso sa VAWC. (SPE/SP)