Reklamo sa TEPAI hatagan pagtagad ni konsehal Gaane

Konsiderahon sa komite sa cultural communities ni konsehal Malou Gaane ang sulat reklamo nga gipaabot sa usa sa myembro sa Tinipigan for Ecological Protection Association Incorporation (TEPAI) kabahin sa walay abiso nga pagkoral sa usa ka luna diha sa Sitio Batinay, Barangay Tagpangi.

Nasayran ang maong luna giugmad sa kapunungan sulod sa 22 ka katuigan.

Matod sa nagreklamo nga nahimo ang pagkoral human nagtukod og laing grupo ug ginganlag Tinipigan Agricultural Protection Association (TAPA).

Niini gidapit ni Gaane ang duha ka grupo sa pagtambong sa umaabot nga tigom aron mahatagan kini ug solusyon sa ingon maresolbar ang maong isyu.