Reklamo sa illegal terminal dihas Brgy. 25 giaksyonan sa Public U

GIHATAGAN kutob lamang sa March 31 ning tuig sa komite sa public utilities ni Konsehal Eric Salcedo ang mga driver ug operator nga giingong nag-illegal terminal diha sa Gaisano City car park nga nakahatag og dugang kapiot sa dagan sa trapiko sa syudad.

Kini ang pamahayag ni Salcedo atol sa tigom sa komite niadtong milabayng adlaw diin gituki ang maong isyu human gipadangat ni Punong Barangay Noel Ilogon ang nasangpit nga mulo.

Gipasabot sa konsehal nga adunay gitagana nga mga terminal alang sa mga pang-publikong sakyanan nga namasahero sa este ug weste nga gustong mosulod sa sentrong bahin sa syudad nga nahisulod sa Local Public Transport Route Plan (LPTRP) nga ipatuman sa dili madugay.

Niini malaumon si Konsehal Salcedo nga nasabtan sa maong kapunungan ang katuyoan sa goberno nga mapagaan ang dagan sa trapiko sa syudad.

Ang maong mulo giduso sa komite ngadto sa opisina sa Roads and Traffic Administration alang sa tukmang aksyon. (MLR/SP)