Reklamo batok Punong Barangay Porras gibasura

GIBASURA sa komite sa ethics and blue ribbon ubos ni Konsehal Edgar Cabanlas atol sa ilang miaging tigom ang gipasakang reklamo ni Nestor Antig, et.al sa Northern Mindanao Higaonon Tribal Association batok ni Punong Barangay Philip Porras sa Barangay Mambuaya ning syudad.

Kini may kalabotan sa alegasyon sa giingong pinugos nga pagbalhin sa mga residente nga walay due process.

Gibasura sa komite ang maong kaso tungod kay napakyas sa pagsumite sa usa ka affidavit of verified complaint ug sa wala pagtambong sa nagreklamo taliwala nga siya gidapit sa komite pagtambong sa ilang husay.

Ang maong tigom gitambongan nila ni Konsehal Roger Abaday, Aga Suan, Alam Lim, Marlo Tabac ug Imee Moreno. (RNQ/SP)