top of page

Reklamo batok kasaba sa live bands, kakusog nga sonata giaksyonan

Unta dili mapihig ang katungod sa katawhan bisan sa padayong gikab-ot nga kalamboan sa ekonomiya sa dakbayan.

Mao kini ang panawagan ni Konsehal Girlie Balaba, atol sa sesyon sa konseho niadtong Lunes nga gidumala ni Bise Mayor Bebot Rodriguez, human iyang gitaho ang daghang reklamo sa katawhan batok sa kasaba sa mga live bands ug kakusog sa sonata gikan sa mga establisamento nga natukod sa pipila ka residential area sa syudad. Matod niya nga daghang reklamo ang nadawat sa Regulatory Compliance Board (RCB) kalabot sa maong kasaba gikan sa nagkadaghang restaurants ug bars sulod sa mga residential areas hinungdan nga daghan usab sa mga residente ang dili na makaangkon sa saktong pagpahuway panahon sa kagabhion.


Panahon na nga amendahan ang probisyon sa Ordinance No. 4373-1994 ilabina ang Section 614 ug 615 nga nagdili sa pagpatukar og jukebox, radyo, stereo, karaoke, videoke ug susamang mga ekipo ug instrument dinha sa mga bars, beerhouses, sing-along, videoke ug karaoke bars, hotels, motels ug susamang mga establisamento sa kalingawan sugod sa alas 12 sa tungang gabii paingon sa alas 4 sa sayong kabuntagon gawas lang kun sound-proofed ang establisamento.

Gisugyot sa konsehal nga ma-amendar ang oras gikan sa alas 10 sa gabii ngadto sa alas 7 sa buntag sa sunod adlaw.Ang sugyot ni Balaba giduso ni Bise Mayor Bebot Rodriguez ngadto sa komite sa public order and safety ni Konsehal Romeo Calizo ug komite sa barangay affairs ni Konsehal Alam Lim alang sa pagpahigayon sa makuting pagtuon ug rekomendasyon.





Comentarios


bottom of page