Reklamo batok Brgy Kag Jerome Sambaan gibasura

GIBASURA sa komite sa ethics and blue ribbon ubos ni Konsehal Edgar Cabanlas atol sa ilang tigom niadtong Mierkoles ang gipasakang reklamo ni Khervan Del Puerto batok kang Barangay Kagawad Jerome Sambaan sa Barangay Bonbon ning syudad.

Kini may kalabutan sa alegasyon sa slight serious physical injuries ug maltreatment ubos sa Article 266 sa Revised Penal Code ug administrative case of misconduct.

Gibasura ang maong kaso tungod sa walay presensya sa duha ka partido taliwala nga ang komite nagpadala sa husto nga pagpahibalo.

Ang maong tigom gitambongan nila ni Konsehal Roger Abaday ug Konsehal Kenneth John Sacala. (RNQ/SP)