top of page

Reklamo batok 2 tanods sa brgy Canitoan tukion sa komite sa Ethics

GIPAABOT tukion sa komite sa ethics and blue ribbon ni Konsehal Edgar Cabanlas ang reklamong gipasaka batok sa duha ka tanod sa barangay Canitoan.

Kini human giduso sa Ombudsman for Military and Other Law Enforcement Agency ngadto sa konseho sa syudad ang reklamo batok sa duha ka tanod.

Basi sa gipasakang sumbong, giingon nga ang duha ka tanod nalambigit sa pagdagmal sa magsoon diin ang usa menor de edad samtang ang usa hingkod na ang panuigon.

Gawas pa kini sa alegasyon nga misulod sa panimalay ang maong mga tanod nga walay panugot ug miabuso usab sa gahom nga gisangon kanila.

Niini, ang komite ni Cabanlas gipaabot nga mopahigayon sa imbestigasyon ug moluwat sa angayang rekomendasyon. (SP/JNortiza)


bottom of page