Proyekto pagtul-id sa drainage, pagkutay og linya sa tubig ipatuman sa Brgy 34



Hingpit nang mapatuman sa konseho sa Barangay 34 ang ilang mga programa ug proyeko karong tuig 2022.

Kini human ang konseho sa syudad sa sesyon niadtong Lunes nga gidumala ni Bise Mayor Jocelyn Rodriguez misagop sa resolusyon nag-uli sa ordinansa sa barangay diin nasukip ang ilang 2022 Annual Budget nga mobalor og P3,685,621.00.

Lakip sa gipunduhan sa barangay mao ang pagpahigayon og training kalabot sa pagpangandam sa kalamidad, pagpalit og calamity-related supplies and equipment, pagrehabilitar sa drainage system, pag-instalar og waterline connection, pag-instalar og mga suga sa kadalanan sa Zone 2 sa barangay ug paghinlo sa mga kanal sa ilang dapit.

Ang resolusyon nga gisagop sa konseho alang sa maong katuyuan gipaluyuhan sa komite sa barangay affairs ni Konsehal Yan Lam S. Lim ug komite sa pamalaod ni Konsehal Ian Mark Nacaya.