Programa sa panglawas, edukasyon, capacity empowerment sa SK Brgy.31 suportado ni Sacala

SUPORTADO ni Konsehal Kenneth John Sacala, City SK Federation president ug chairman sa komite sa sports and youth development, ang mga programa sa kabatan-onan sa Barangay 31.

Kini human ang Konseho sa milabayng sesyon nga gidumala ni Bise Mayor Bebot Rodriguez hiniusang misagop sa resolusyon  nga nag-uli sa Resolution No. 005-2025 sa Sangguniang Kabataan sa  maong barangay nga may kalabotan sa ilang 2025 Supplemental Budget nga mokabat sa P189, 674.22 alang sa hingpit nga implementasyon.

Tipik sa gipundohan sa maong budget ang programa sa edukasyon pinaagi sa   paglusad  sa Tugkaran Ko, Limpyohan Ko, programa sa panglawas  pinaagi sa pagpahigayon  og  Feeding Program ug active citizenship og capacity empowerment pinaagi sa pagpasiugda og mga paugnat sa kusog sama sa volleyball ug basketball ug Linggo ng Kabataan Youth Camp.

Sumala ni Konsehal Sacala nga suportado  niya ang mga programa sa SK sa maong barangay tungod kay dako kini og ikatabang  aron hingpit  mapatuman ang dugang  programa sa kabatan-onan.

Ang resolusyon nga gipalabang sa  konseho alang sa maong katuyoan gipaluyohan sa komite sa sports ug komite sa pamalaod ug reglamento ubos ni Konsehal Edgar Cabanlas. (JRG/SP)