Programa sa pagpalambo, paghatag gahumsa kabatan-onan gipundohan sa SK sa Brgy 18

GILANTAW sa Sangguniang Kabataan (SK) sa Barangay 18 nga mapatuman karong tuiga ang mga programa alang sa dugang kalamboan ug paghatag gahom sa kabatan-onan sa ilang dapit.

Kini human nadawat sa Konseho sa Syudad ubos ni City Vice Mayor Bebot Rodriguez ang gisumiteng annual budget sa SK sa barangay nga adunay bana-banang kinitaan ug galastohon nga P500 mil kapin.

Tipik sa gipundohan sa SK sa maong barangay ang pagpatuman karong tuiga sa mga programa pahaom sa kasaulogan sa Linggo ng Kabataan, paugnat sa kusog, edukasyon kabahin sa panglawas, pagproteher sa kinaiyahan, kampanya batok sa gidiling druga ug uban pang proyekto alang sa kabatan-onan sa Barangay 18.

Naglaum ang Bise Mayor nga kining gipundohan nga mga programa ug proyekto sa Barangay 18 maghatag og dugang kalamboan sa serbisyo ngadto sa kabatan-onan.

Ang nahisgotang annual budget sa SK sa Barangay 18 gipaabot nga tukion sa komite sa sports and youth development ni Konsehal Kenneth John Sacala. (RNQuiblat/SP)