POPS sa dakbayan aprobado sa Konseho

HUGOT nga gisuportahan sa Konseho ang gitinguha sa dakbayan nga kalinaw ug kahapsay ug kaluwasan sa publiko ang nagpabilin sa mga nag-unang prayoridad sa siyudad.

Kini human hiniusang gisagop sa konseho ubos ni Bise Mayor Bebot Rodriguez ang Resolution No. 15746-2026 nga nag-aprobar sa 2026-2028 Peace and Order and Public Safety (POPS) sa dakbayan sa Cagayan de Oro.

Ang plano nga maggiya sa mga inisyatiba sa padayon nga pag-uswag ug pagpalapad sa dakbayan, ang pagsiguro sa luwas, hapsay ug maayong nga palibot alang sa tanang kagay-anon.

Lakip na magpalig-on sa determinasyon diin ang siyudad luwas sa pagpadayon sa pagtinabangay sa pagtukod ug mas luwas, mas lig-on ug progresibong Cagayan de Oro.

Subay usab kini sa RISE development agenda sa kagamhanan diin ang kahusay ug kalinaw ang gihatagan sa igong pagtagad.

Ang maong lakang alang sa maong katuyoan gipaluyohan sa komite sa peace and order ni Konsehal Roger Abaday ug sa komite sa pamalaod ug reglamento ni Konsehal Ed Cabanlas. (RNQ/SP)