top of page

Police Visibility sa mga hilit nga lugar gisugyot ni Konsehal Salcedo

KINAHANGLAN nga ibalik sa kapolisan ang programa nga Police Visibility labina sa mga hilit nga bahin sa syudad.

Kini ang sugyot ni Konsehal Enrico Salcedo, chairman sa komite sa Environment and Natural Resources, agig reaksyon sa special report ni Konsehal Edgar Cabanlas sa sesyon niadtong Lunes nga gidumala ni Bise Mayor Kikang Uy.

Matod ni Salcedo nga gipatuman na kini sa niaging hepe sa kapolisan ug angayan kini nga ibalik ug ipadayoin tungod dako kini og ikatabang nga mapugngan ang mga dautang elemento sa pagbuhat og krimen kay anaa man makita ang presensya sa mga pulis.

Mahinumduman ang sunod sunod ang mga pagpangluthang patay dinhi sa syudad hinungdan nga naalarma ang konsehal.

Gipasabot usab ni Konsehal Salcedo ang dako kaayong tabang ang presensya sa kapolisan kay magpanuko man ang mga kriminal sa pagbuhat sa mga krimen kon dayag nilang makita ang mga otoridad hinungdan nga iyang gihangyo ang hepe sa Cagayan de Oro City Police Office (COCPO) pagbalik sa police visibility dinhi sa syudad.


bottom of page