top of page

Plano sa Metro CDO gitinguhang mapatuman NEDA-10 director gidapit sa konseho




Ang konseho sa syudad ubos ni Bise Mayor Bebot Rodriguez naninguha nga mapatuman sa hingpit ang plano alang sa metropolization sa Cagayan de Oro.


Kini human si Konsehal Ian Mark Nacaya, sa milabayng sesyon, nanawagan alang sa kalamboan sa plano nga matod pa gigahinan sa nasudnong kagamhanan og P81 milyones.


Kining P81 milyones maoy gamiton nga pundo alang sa pagmugna sa plano ug desinyo sa Metro CDO ug paghan-ay sa straktura sa dili pa ang tuig 2025, pasabot ni Nacaya.


Siya midugang nga hapit na ang tuig 2025 apan wala pay konkretong lakang nga nahimo aron mamugna ang Metro CDO ilabina ang mga pakighinabi sa kasikbit nga mga munisipyo, syudad ug probinsya.


Niini, gidapit sa konseho sa syudad pagtambong sa umaabot sesyon ang director sa rehiyonal nga buhatan sa National Economic Development Authority (NEDA-10) aron paghatag og katin-awan sa gitinguhang pagpatuman sa Metro CDO.

Comments


bottom of page