Pascual motuon sa hangyo sa taga-Mambuaya mapadayon operasyon sa Monique fishpond

KONSIDERAHON sa komite sa Turismo ni Konsehal Jay Roa Pascual ang sulat reklamo sa mga molopyo sa sitio Monigue, Barangay Mambuaya.

Segun sa tigdumala sa Monigue Spring Resort, adunay giluwatang cease and desist order ug show cause order ang buhatan sa City Local Environment and Natural Resources Office (Clenro) tungod matod pa sa paglapas sa National Water Code of the

Philippines.

Matod pa nga nagpadayon ang ilang pagproseso nga makakuha og water permit ug gani, nahunong na ang operasyon sa swimming pool human gihugtan ang pagpatuman sa health protocols.

Kini ang giingong hinungdan nga gihimo nilang tilapia fishpond ang maong resort aron makapadayon sa ilang kapanginabuhian.

Dako ang ilang paglaum nga maabagan sa komite ni Konsehal Jay Pascual nga mapadayon ang ilang operasyon sa fishpond alang sa ilang kapanginabuhian.