Pascual miapod-apod og hinabang sa mga biktima sa baha

Pipila ka molopyo ug pamilya ang naapektuhan sa nahitabong pagbaha diha sa Barangay Baikingon ning syudad ang nakadawat ug hinabang niadtong milabay’ng adlaw.

Kini human si konsehal Jay Roa Pascual, chairman sa komite sa turismo sa konseho, nag-apod-apod og mga food packs ngadto sa mga nabahaan uban ang presensya sa mga opisyal sa barangay ubos ni Kapitan Nathan P. Yañez

Gibutyag sa konsehal nga ning panahon sa trahedya gikinahanglan ang pagtabang sa isig ka tawo labina kay anaa pa ang tanan sa sa kalisod dala sa pandemya ug iyang nabati tumang kapait nga nahiaguman sa mga biktima sa baha.

Bisan sa ginagmay nga tabang pero kinasingkasing ang pagtunol niini ngadto sa mga biktima aron maalibyohan man lang ang kalisod ,pamahayag ni konsehal Jay Pascual.

Niini, gipasalamatan ni Konsehal Jay si mga opisyal sa maong barangay ubos Kapitan Yañez sa pag-abag kanila atol sa ilang pagpang-apod apod.