top of page

Pascual gihingusgan mapatuman Oro QR Code


MALAUMON si konsehal Jay Roa Pascual, chairman sa komite sa turismo, nga masabtan sa katawhan ang kamahinungdanon sa pagpatuman sa QR Code niining panahon sa pandemia.

Kini ang pamahayag sa konsehal atol sa ilang sinemanang programa sa kahanginan nga “Si Bise Mayor Kikang Uy ug Ang Konseho”.


Sumala ni Pascual nga dako kaayo og makatabang ang QR Code panahon sa contact tracing kun adunay mag-positibo sa Covid-19 dinhi sa syudad.


Gani, didto sa kaulohan hugot kini nilang gipatuman kay nakita nila ang ka-importante aron dili na mokaylap ang virus.


Dugang ni Pascual nga nasabot nila ang kabalaka sa pipila ilabina sa ilang privacy apan nagtoo ang konsehal nga dili kini angay kabalak-an kay giseguro man usab sa kadagkoan sa ICT sa dakbayan nga magpabiling confidential ang tanang makuha nga data.


Ang usa ka bulan nga lugway sa magamit aron mapahibalo ug mapasabot sa katawhan ang kamahinungdanon sa pagpatuman sa QR Code sa umaabot Mayo 5, 2021.

bottom of page