Panagbangi tali’s Higaonon tribe, kapitan sa Dansolihon posibleng mahusay pa

Posibleng mahusay pa ang dili panagsabot tali sa mga sakop sa Higaonon tribe ug kapitan sa barangay Dansolihon.

Kini ang panahom sa mga sakop sa komite sa Ethics and Blue Ribbon atol sa milabayng tigom nga gitambongan nila ni Konsehal Jose Pepe Abbu, Jr ug Roger Abaday.

Nasayran sa tigom nga ang pagpasaka sa reklamo gihimo sa tinguha nga mapalambo ang panagsinabtanay tali sa lokal nga kagamhanan sa barangay Dansolihon ug sa mga sakop sa tribo.

Niini, malaumon ang komite nga masolosyonan ang nasinating problema sa mga sakop sa Higaonon tribe aron dili na kinahanglan pa ang pagdungog sa maong kaso.