Pagtukod og underground fiber optic system tun-an sa komite sa Public U

PADAYON nga tun-an sa komite sa pubic utilities sa konseho ubos ni Konsehal Enrico Salcedo ang tanyag  sa Solidground Technologies Corporation alang pagtukod ug pag-develop og underground fiber optic system sa dakbayan sa Cagayan de Oro.

Usa kini ka sistema diin ang mga kable sa telecommunication companies diha ipaagi ilawom sa yuta ug motukod sa imprastraktura  nga magprovide sa kasaligan ug luwas nga pagpadala sa datus ngadto sa  mga patigayon ug mga residente nga naggamit og cables nga protektado gikan physical damage.

Sa tigom sa komite niadtong milabayng Martes, mipasabot si Guillemo Gerardo Roxas, director for business and operations sa  maong korporasyon nga ubos sa maong proyekto, mahimong ang tanang telecommunication companies diha na mag-abang sa ilaha pinaagi sa pagpahimutang sa ilang mga linya ilawom sa yuta gawas nga makaserbisyo usab sila sa  komunidad.

Sumala pa nga  aduna na’y dapit sa kaulohan  sama sa Naga City, Muntinlupa ug uban pa nga nakabaton na sa susamang  fasilidad nga diin sila ang trabaho.

Niini, sa tinguha nga matun-an ug mahisgutan kini pag-ayo, gisugyot  sa komite ni Salcedo ang pagmugna og Technical Working Group (TWG) nga pangulohan sa City Planning and Development Department (CPDD) nga maoy tahasan sa pagtuon alang sa maong katuyoan. (JRG/SP)