Pagtukod og public mini-mkt sa Macabalan gihangyo

GIPAABOT konsiderahon sa komite sa barangay affairs ni Konsehal Alam Lim ang hangyo sa konseho sa barangay Macabalan nga matukuran og merkado publiko.

Kini human giduso ni Bise Mayor Bebot Rodriguez ngadto sa komite ang gipasakang Resolosyon No. 013-2022 nga naghangyong magahinan og igong pundo ang ilang proyekto pagtukod og merkado dinha sa Purok Punta sa barangay.

Gipasabot sa barangay nga kulang ang ilang panudlanan aron mapundohan ang maong proyekto sa imprastraktura apan ilang nakita ang dakong pagpanginahanglan sa mga molopyo sa dapit sa maong merkado. (SP/JNortiza)