Pagsusi sa mga straktura sa mga estabisamento gihangyo

SI KONSEHAL George Goking, nagdumala sa komite sa Trade & Commerce, nahingawa sa nasinating pagtay-og sa yuta sa miaging gabii diin kaupat kahigayon gilantaw sa konsehal ang mga dagkong straktura diin nahimotang usab ang mga dagkong establisamento og mga hotel dinhi sa syudad.

Mahinumdoman nga sa nangaging mga tuig nahitabo na ang pagtay-og diin nasayran nga adunay pagliki sa ubang bahin sa maong mga building.

Sa tigom nga gipahigayon uban sa buhatan sa mga personahe sa City Building official nasayran nga sa ilang gipahigayon nga pagsusi visual lamang kini og wala gamiti sa mga modernong kahimanan sa pagsusi niini.

Si konsehal Goking naghangyo ngadto sa mga negosyante nga kon mahimo sila na mismo ang mopahigayon sa paglantaw ogpag-inspeksyon sa ilang mga straktura alang usab sa seguridad sa mga tawo sulod sa ilang estalisamento.

Si konsehal Goking nanghinaot nga makab-ot ang pagsinabtanay ug panaghiusa alang sa kaayohan sa tanan.