Pagsunod sa patakaran sa ECQ gipahinumdom ni Konsehal Goking


SI KONSEHAL George S. Goking, chairman sa komite sa Trade and Commerce sa konseho mipahinumdom sa mga negosyante ingon man sa katawhan pagsunod sa bag-ong patakaran nga gipatuman karon sa Enhanced Community Quarantine

ang syudad.

Nasayran nga misulod na sa syudad ang SARS-V2 Delta variant nga diin 5 ka indibidwal ang nagpositibo.

Gipasabot ni konsehal Goking nga kinahanglan magmabinantayon ang tanan ug mipahibalo nga labing gipahogtan ang paggamit sa barangay exit pass aron makonhuran ang mga tawo nga mogawas sa ilang panimalay.

Matod sa konsehal nga aron makalikay sa mga penalidad nga ipahamtang sa gobyerno kinahanglan nga iandam ang mga mahinugdanong dokumento sama sa exit pass og uban pa aron adunay ikapakita sa panahon nga adunay ipahigayon nga

inspeksyon ang otoridad.

Gikinahanglan gayod ang kooperasyon sa tanan aron nga ang ibayad sa mga multa magamit kini sa pagpalit sa pagkaon ilabina nga halos ang tanan nag-antos sa kapit-os sa panginabuhian karong panahuna.