top of page

Pagpatitulo sa luna sa PUPSAI dihas Gusa hisgutan sa komite ni Konsehal Cabanlas

MAGTIGOM karong huwebes sa alas 10:00 sa buntag dihas hawanan sa konseho ang komite sa Urban Poor nga dumalahon ni Konsehal Edgar Cabanlas.

Tukion sa maong tigom ang sulat nga gipadangat ni Gusa Punong Barangay Marlou Tabac nga naghangyo matabangan sa pagpatitulo sa luna nga giokupahan sa mga sakop sa Purok 6 Urban Poor Settlers Association (PUPSAI).

Nasayran nga bo-ot sa mga residente sa dapit nga hingpit nga mapanag-iya ang lote nga kasamtangan nilang giokupahan.

Lakip sa gidapit sa komite pagtambong sa tigom si Kapitan Tabac, presidente sa asosasyon, Engr. Ermin Stan Pimentel sa City Housing and Urban Development Department, Engr. Rolando Pacuribot sa City Engineering Office ug City Assessor

Joshua Del Bando.

Gipaabot usab motambong sa tigom aron mohatag sa ilang panahom ug opinyon ang mga sakop sa komite nga gilangkoban nila ni Konsehal Zaldy Ocon, Joyleen Mercedes Balaba, John Michael Seno ug Reuben Daba.


bottom of page