Pagpangitag solusyon sa problema sa koleksyon sa basura konsiderahon sa komite ni Salcedo

KONSIDERAHON sa umaabot tigom sa  komite sa environment ni konsehal Eric Salcedo ang sugyot nga mapangitaan ug tukmang solusyon ang problema sa kalangan pagkolekta sa basura diha sa kabarangayan sa syudad.

Mahinumduman nga sa miaging regular session sa konseho nga gidumala ni Bise Mayor Bebot Rodriguez, mipaabot sa iyang special report si konsehal Imee Rose Moreno mahitungod sa nagpabiling problema sa koleksyon sa basura sa kabarangayan.

Gitinguha ni konsehal Salcedo nga matubag ug mapasabot kini nga mga pangutana ni Moreno ngadto sa mga hintungdan opisina sa goberno aron mapangitaan usab sa tukmang solusyon.

Gidapit nga motambong sa tigom sa komite aron sa paghatag sa ilang panahom sila si konsehal Imee Moreno, Atty. Hilario Roy Raagas, City Administrator, Atty. Kenneth Tamala, City Legal Officer, Engr. Armen Cuenca, CLENRO Officer, RD Reynaldo Degamo, Regional Director EMB-10, Dr. Rachel Dilla, City Health Officer, Jomara Construction Corp./ TENCIL, Engr. Joel Momongan, City Engineer, ug Ms. Jasmin Maagad, City Treasurer. (MLRapanot/SP)