top of page

Pagpalambo sa Relasyon sa komunidad dakog tabang sa kapolisan- Abaday

DAKO og makatabang sa kapolisan nga mapakgang ang krimen nga gakahitabo sa palibot kun mapalambo ug mapalig-on nila ang ilang relasyon sa komunidad.

Kini ang reaksyon ni Konsehal Roger Abaday sa special report nga gipadangat ni Konsehal James Judith atol sa sesyon niadtong Lunes nga gidumala ni Bise Mayor Jocelyn Rodriguez mahitungod sa nahitabo sa Taguanao Bridge nga gihimong inomanan sa mga batan-on taliwala nga gidili kini subay sa ordinansa nga miresulta sa aksidente ug duha niini ang namatay.

Sumala ni Abaday nga dili usab nato mabasol ang kapolisan nga dili nila magahum ang tanan sa pagpatrolya tungod sa gamay lang ang pulis kompara sa katawhan nga ilang pagabantayan diin ang usa ka pulis adunay 1 ka libo ang bantayan nga diin mao kini ang kasamtangang ratio karon.

Niini gipasabot ni Abaday nga gawas sa pagta-as sa multa ni-adtong masapon nga mag-inom sa mga tulay, daplin sa dalan ug uban pang mga pampubliko nga lugar, gisugyot niya nga ma-improbar ug mapadool sa kapolisan ang ilang komunikasyon ug relasyon sa komunidad aron makatabang kanila sa paghatag sa impormasyon.

Magamit usab ang mga barangay pulis isip force multiplier sa atong kapolisa, sumpay sa Konsehal .

Niini nagtoo si Abaday nga sa maong paagi dako kini ug makatabang sa kahusay ug kalinaw sa tibook Dakbayan.


Comments


bottom of page