Pagpahigayon sa check point sa kapolisan sa kadalanan gisuportahan ni Konsehal Goking

HUGOT nga gisuportahan ni Konsehal George Goking, chairman sa Komite sa Trade, ang kapolisan sa ilang gaipahigayon nga mga checkpoints dinhi sa syudad.

Nasayran nga gisuportahan sa konsehal ang kapolisan pinaagi sa paghatag sa ilang mga panginahanglanon diha sa mga check point areas.

Gipasabot ni Konsehal Goking nga angayan nga suportahan ang kapolisan tungod kay dako ang ilang matabang diha sa pagkontrolar aron mapugngan ang lihok sa katawhan samtang gipailawom ang syudad sa Enhanced Community Quarantine (ECQ) sa pagsiguro nga masunod ang mga health protocols labina diha sa mga salakyan.

Tungod niini, nagpasalamat ang kapolisan nga nagdumala sa mga checkpoints sa Barangays Mambuaya, Lumbia, Bulua ug SM Uptown, ug sa uban pang dapit ngadto ni Konsehal Goking tungod sa iyang makanunayon nga suporta sa ilang programa labina niining panahon sa pandemya.