Pagpahigayon sa 3 cock derby sa Pagatpat giuyonan sa konseho

GIUYONAN sa Konseho sa Syudad sa sesyon niadtong Lunes nga gidumala ni Bise Mayor Bebot Rodriguez ang hangyo sa Canitoan-Pagatpat Cockers Association nga magpahigayon sa 3 cock derby sa umaabot Marso 16-18 ning tuig diha sa Canitoan-Pagatpat Cockpit Arena nga nahimutang sa Barangay Pagatpat.

Kini human nakatuman ug nakasumite ang tagdumala sa gikinahanglang rekisitos  nga gisitar sa ordinansa sa syudad bahin sa pagpahigayon sa maong matang nga kalihokan.

Nasayran  nga ang ipahigayong derby nunot sa selebrasyon sa kapistahan sa ilang patron nga si Saint Joseph.

Niini, ang konseho mipalabang og ordinansa alang sa maong katuyoan  nga gipaluyohan sa komite sa games and amusement ni Konsehal Roger Abaday ug komite sa pamalaod ug reglamento ubos ni Konsehal Edgar Cabanlas. (JRG/SP)