top of page

Pagpahigayo’g training kabahin pagbuhat og plywood gamit ang kawayan gilaraw ni Konsehal Esparcia

Gilaraw karon ni Konsehal Esparcia, Chairman sa Komite sa Climate Change sa Konseho ang pagpasiugda og trainings sa mga hinterland barangay kabahin sa pagbuhat og plywood gamit ang kawayan.



Misantop sa huna-huna sa konsehal ang maong ideya human kini nakabisita sa usa factory dinhi sa syudad nga gakabig sa kawayan ngadto sa Narrow Grain Natural Bamboo Plywood, usa kini ka eco-friendly nga matang sa plywood nga daghan og magamitan. Sa iyang post sa Facebook, gipasabot sa Konsehal nga gusto niya kini nga matun-an kay basin pwede ni himoong tinubdan sa panginabuhian sa mga katawhan sa hinterland barangays gawas nga dako usab kini og ikatabang sa kinaiyahan kon mananum og kawayan.


Matod usab ni Konsehal Esparcia nga mangita siya og pamaagi nga makakuha og mga experto niini aron makapahigayon og trainings kabahin sa paggama og plywood gamit ang kawayan sa ingon mahatagan sa panginabuhian ang katawhan.

Comentários


bottom of page