Pagpabilin sa regular banking hours gisugyot


USA ka tigom ang gipahigayon sa kometi sa Trade & Commerce nga gidomala ni Konsehal George S. Goking sa milabay nga semana aron tukion ang Resolusyon No. 197 (s, 2021) sa Northern Mindanao Task Force alang sa COVID 19.

And maong resolusyon nanghangyo ngadto sa mga bangko dinhi sa dakbayan sa Cagayan de Oro sa pagpabilin sa ilang regular banking hours samtang ang syudad ubos sa Modified Enhanced Community Quarantine (MECQ).

Gipasabot ni konsehal Goking nga gikinahanglan pag-ayo nga bukas ang mga bangko gikan sa alas 9 am hangtod sa alas 3 pm tungod kay kay kini gikinahanglan sa mga katawhan aron padayon usab ang dagan sa negosyo og ekonomeya.

Dugang gipasabot ni Konsehal Goking nga gikinahanglan usab nga ang mga empleyado sa mga bangko matagaan og prayoridad sa vaccination kay sila mga frontiners man usab.