Recent Posts

Archive

Tags

No tags yet.

Paghatag og desenteng pinuy-anan prioridad sa dakbayan -Cabanlas

PADAYON ang kagamhanang lokal paghatag og prioridad sa mga programa nga magdala og dugang kaarangan sa mga kabus ilabina niadtong mga walay permanenteng pinuy-anan nga nagpabilin nga illegal settlers.


Kini ang gipadayag ni Konsehal Edgar Cabanlas, chairman sa komite sa urban and rural poor and housing development, atol sa milabayng tigom diin gituki ang mulo nga gipadangat sa mga residente sa Greenfield Homeowners Association sa barangay Balubal.


Ang mga residente sa dapit mihangyo nga masuportahan pinaagi sa usa ka resolosyon sa konseho ang ilang tinguha nga maangkon ang loteng ilang giukopahan sulod sa dugay nang panahon.


Giingon nga ang maong resolosyon isukip sa aplikasyon sa kapunungan aron matitulohan ang loteng ilang gi-okupahan human matod pa walay mipatim-aw nga tag-iya.


Nunot niini, gitahasan ni Cabanlas ang buhatan sa City Engineering ug mga kawani sa Task Force Emancipation on Piso Piso Beneficiaries sa pagpahigayon sa ocular survey sa dapit.

Kun masuta nga alienable and disposable ang maong luna mahatagan gayud sa prioridad nga matunol kini sa mga molopyo, pamahayag ni Cabanlas.