top of page

Pagdeklarar sa CdO River isip Central River Rafting & Flood Rescue Training Hub

GILANTAW nga mapalambo ang natad sa turismo sa syudad pinaagi sa nabantog nga white water river rafting.


Sa ipahigayong hiniusang tigom sa Komite sa Environment ni Konsehal Roger Abaday ug Komite sa Turismo ni Konsehal Jay Pascual karong hapon diha sa hawanan sa konseho, hisgutan niini ang hangyo sa Cagayan de Oro River Rafters nga madeklara ang Cagayan de Oro River isip Central River Rafting and Swift Water and Flood Rescue Training Hub.

Mahinumdoman nga si Konsehal Ian Mark Nacaya sa milabayng session sa Konseho misugyot nga madeklara kini aron makadugang og atraksyon labina nga numero uno ang Cagayan de Oro White Water Rafting sa tibook nasud.


Lakip usab nga hisgutan sa tigom ang Langag Cave Management Plan diha sa Barangay Dansolihon.

Niini gipaabot sa komite nga motambong sila si Bise Mayor Bebot Rodriguez, Konsehal John Michael Seno, Romeo Calizo, Yan Lam Lim, Malou Gaane, Bernie Esparcia, Suzette Magtajas-Daba, Girlie Balaba, Imee Moreno, Joey Abbu, Jr. , Aga Suan, Edgar Cabanlas ug James Judith, II mga hepe sa pipila ka ahensya sa syudad, Punong Barangay ug mga hintundang buhatan sa City Hall.


Comments


bottom of page