Pag-regulate sa pagpahigayon og sabong gihingusgan

GIHINGUSGAN sa komite sa games and amusement ni Konsehal Roger Abaday ang striktong pag-regulate sa pagpahigayon sa sabong dinhi sa syudad subay sa gabayan nga gisita sa balaod.

Kini ang hiniusang lakang sa komite atol sa gihimong tigom niadtong milabayng adlaw diha sa hawanan sa Konseho.

Sumala ni Konsehal Abaday nga tun-an ug amendahan ang ubang probisyon sa ordinansa aron mosibo kini sa nasudnong balaod.

Lakip sa gisugyot niini mao ang paghatag sa tagdumala sa mga bulangan sa prankisa nga nahisubay sa gisita sa balaod ug ang matang sa ilang bayronon sa  bulohisan.

Ang maong lakang giduso sa komite ngadto sa City Legal Office alang sa dugang pagtuon ug rekomendasyon. (MLR/SP)