Pag-instalar og CCTV matag barangay tukion sa komite sa public order

TUKION sa komite sa public order and safety ni Konsehal Roger Abaday karong adlawng Huwebes, Enero 15, ning tuig atol sa ilang tigom diha sa hawanan sa konseho ang sugyot pag-instalar sa tanang barangay sa syudad og Closed-Circuit Television (CCTV) sa tuyo nga mapakgang o maminusan ang gakahitabong krimen.

Lakip sa hisgutan atol sa panag-tigom mao ang koordinasyon sa tanang ahensya sa gobyerno aron mapangitaan og kasulbaran ang sunod-sunod nga pagpangawat sa mga electric power wires sa poste sa CEPALCO diha sa kabarangayan.

Niini gidapit nga motambong sa maong tigom aron sa paghatag sa ilang panahom ug opinyon sila si P/Col. Dexter Paje, City Police Director COCPO, FCSUPT Romel Tradio, Fire Director Bureau of Fire Protection (BFP), Hon. Marlou Tabac, ABC President, Atty. Hilario Raagas, City Administrator, Atty. Egay Uy, chairperson sa Regulatory Compliance Board (RCB), Hon. Eric Salcedo, chairperson sa komite on Public Utilities, Engr. Rosanna Rodriguez, City Building Official ug Engr. Ardines Cabrera,  City Planning Development Coordinator. (MLR/SP)